ပြင်သစ်လူမျိုးနည်းပြ ဇီဒန်းဟာ ဘိုင်ယန်မြူးနစ်အသင်းကို ကိုင်တွယ်ဖို့ နီးစပ်နေပြီလို့ သတင်းထွက်နေပေမယ့် သူဟာ ယူနိုက်တက်အသင်းကို ပိုပြီးကိုင်တွယ်ချင်နေတယ်လို့ နောက်ဆုံးရ သတင်းတွေမှာ ဖော်ပြထားပါတယ်။
ဇီဒန်းဟာ ဘိုင်ယန်မြူးနစ်အသင်းကို ကိုင်တွယ်ဖို့ နီးစပ်နေပေမယ့် အဲရစ်တန်ဟတ်ရဲ့ယူနိုက်တက်အခြေအနေကို အနီးကပ်စောင့်ကြည့်မှုပြုလုပ်နေတာပါ။ရီးရယ်လ်အသင်းကို ချန်ပီယံလိဂ်ဖလား ၃ ကြိမ်၊လာလီဂါဖလား ၂ ကြိမ်အပါအဝင် ဆုဖလားအများအပြားရယူထားတဲ့ ဇီဒန်းဟာ ရီးရယ်လ်အသင်းကနေ ထွက်ခွာပြီးကတည်းက ဘယ်အသင်းကိုမှ ကိုင်တွယ်ရခြင်းမရှိသေးတာဖြစ်ပါတယ်။
ဘိုင်ယန်မြူးနစ်အသင်းဟာ ဒီရာသီအကုန်မှာ ထွက်ခွာမယ့် နည်းပြ တူချယ်လ်နေရာမှာ အစားထိုးဖို့ နည်းပြသစ်ရှာဖွေနေပြီး လက်ရှိမှာ ဘယ်အသင်းကိုမှ ကိုင်တွယ်ရခြင်းမရှိသေးတဲ့ ဇီဒန်းကို နည်းပြသစ်အဖြစ် ခန့်အပ်ဖို့ ကြိုးစားနေတာပါ။ဇီဒန်းဟာ ဘိုင်ယန်မြူးနစ်အသင်းကို ကိုင်တွယ်ဖို့ ခြေလှမ်းတစ်လှမ်းသာ ဝေးကွာတော့တယ်လို့ ဒေးလီးမေးလ်က ဖော်ပြခဲ့တာဖြစ်ပါတယ်။
ဒါပေမယ့် ဇီဒန်းဟာ ယူနိုက်တက်အသင်းကို ကိုင်တွယ်ခွင့်ရမယ့် အခြေအနေကို စောင့်ကြည့်နေတာပါ။ယူနိုက်တက်အသင်းဟာ ဒီရာသီမှာ ရလဒ်တွေဆိုးနေပြီး FA ဖလားပြိုင်ပွဲမှာ ချန်ပီယံမဖြစ်ခဲ့ရင် ဒါမှမဟုတ် ဥရောပဝင်ခွင့်နဲ့ လွဲချော်ခဲ့မယ်ဆိုရင် နည်းပြ အဲရစ်တန်ဟတ်ကို ထုတ်ပယ်ဖို့ ရှိနေတာဖြစ်ပါတယ်။ယူနိုက်တက်အသင်းပူးတွဲပိုင်ရှင် ရက်ကလစ်ဖ်ကလည်း ဇီဒန်းကို နည်းပြသစ်အဖြစ် ခန့်အပ်ဖို့ စိတ်ဝင်စားနေတာကြောင့် ဇီဒန်း ဘယ်အသင်းကို ကိုင်တွယ်မလဲဆိုတာ စောင့်ကြည့်ရမှာဖြစ်ပါတယ်။
