ဘောလုံးပွဲဝေဖန်သုံးသပ်သူအဖြစ် ဆောင်ရွက်နေတဲ့ မီကာရစ်ချတ်ဟာ ချန်ပီယံလိဂ်ပြိုင်ပွဲကို ခန့်မှန်းမှုပြုလုပ်တာ အားလုံးမှားယွင်းခဲ့တာကြောင့် လှောင်ပြောင်မှုတွေခံနေရတာဖြစ်ပါတယ်။
မီကာရစ်ချတ်ရဲ့ခန့်မှန်းမှုဟာ ဆိုရှယ်မီဒီယာမှာထွက်ပေါ်လာပြီးနောက် အားလုံးရဲ့လှောင်ပြောင်စရာဖြစ်လာခဲ့ရတာပါ။မီကာရစ်ချတ်ရဲ့ခန့်မှန်းမှုတွေမှာ ဘိုင်ယန်မြူးနစ်နဲ့ အာဆင်နယ်ပွဲစဉ်မှာ အာဆင်နယ်နောက်တစ်ဆင့်တက်မယ်လို့ ခန့်မှန်းခဲ့ပြီး မန်စီးတီးနဲ့ ရီးရယ်လ်အသင်းတို့ပွဲစဉ်မှာ မန်စီးတီးအသင်းနောက်တစ်ဆင့်တက်မယ်လို့ ခန့်မှန်းခဲ့တာဖြစ်ပါတယ်။
Micah Richards got every single tie wrong😂😂😂 pic.twitter.com/kePz1pzYrO
— The 44 ⚽️ (@The_Forty_Four) April 17, 2024
ဒီလိုပဲ အသလက်တီကိုနဲ့ ဒေါ့မွန်တို့ပွဲစဉ်မှာ အသလက်တီကိုအသင်းတက်မယ်လို့ ခန့်မှန်ခဲ့ပြီး ဘာစီလိုနာနဲ့ ပီအက်စ်ဂျီပွဲစဉ်မှာ ဘာစီလိုနာအသင်းဆီမီးဖိုင်နယ်တက်မယ်လို့ ခန့်မှန်းခဲ့တာပါ။မီကာရစ်ချတ်ရဲ့ခန့်မှန်းမှုအရ ဆီမီးဖိုင်နယ်မှာ အာဆင်နယ်နဲ့ မန်စီးတီး၊ဘာစီလိုနာနဲ့ အသလက်တီကိုတို့တွေ့ဆုံခဲ့ပြီး ဗိုလ်လုပွဲကို အသလက်တီကိုနဲ့ မန်စီးတီးအသင်းတွေ့ဆုံမယ်လို့ ပြောခဲ့ပါတယ်။
ချန်ပီယံဆုကို မန်စီးတီးအသင်းက ၂ နှစ်ဆက်တိုက်ရရှိမယ်လို့ မီကာရစ်ချတ်ပြောခဲ့တာဖြစ်ပြီး သူ့ရဲ့ခန့်မှန်းမှုတွေအားလုံးဟာ လွဲချော်ခဲ့တာဖြစ်ပါတယ်။အဲ့ဒါကြောင့် ပရိသတ်တွေဟာ ဆိုရှယ်မီဒီယာတွေမှာ မီကာရစ်ချတ်ရဲ့ခန့်မှန်းမှုတွေကို လှောင်ပြောင်ခဲ့ပြီး အင်္ဂလန်ဘောလုံးဝေဖန်သုံးသပ်သူတွေကိုပါ ထိုးနှက်ခဲ့ကြတာဖြစ်ပါတယ်။