ပရီးမီးယားလိဂ်အသင်းဟောင်း ပို့စ်မောက်အသင်းဟာ ဘန်စလေအသင်းကို နောက်ကျသွင်းဂိုးတွေကြောင့် ၃ ဂိုး-၂ ဂိုးနဲ့ အနိုင်ရပြီးနောက် လိဂ်ဝမ်းကနေ ချန်ပီယံရှစ်ပြိုင်ပွဲကို တန်းပြန်တက်နိုင်ခဲ့တာဖြစ်ပါတယ်။
လိဂ်ဝမ်းချန်ပီယံအဖြစ်နဲ့ ချန်ပီယံရှစ်ပြိုင်ပွဲကို တန်းပြန်တက်နိုင်ခဲ့တာကြောင့် ပို့စ်မောက်အသင်းပရိသတ် ထောင်ပေါင်းများစွာဟာ ကွင်းအတွင်းဝင်ရောက်ပြီး အကြီးအကျယ်အောင်ပွဲခံခဲ့ကြတာပါ။ပို့စ်မောက်အသင်းဟာ ၂၀၁၂ နောက်ပိုင်း ပထမဆုံးအကြိမ် ချန်ပီယံရှစ်ပြိုင်ပွဲကို တန်းပြန်တက်နိုင်ခဲ့တာဖြစ်ပါတယ်။
ပို့စ်မောက်အသင်းဟာ ဘဏ္ဍာရေးအခက်အခဲတွေကြောင့် ၂၀၁၃ က လိဂ်တူးကို တန်းဆင်းခဲ့ပြီးနောက် ချန်ပီယံရှစ်ပြိုင်ပွဲကို တန်းပြန်တက်နိုင်ဖို့ ၁၂ နှစ်ကြာစောင့်ဆိုင်းခဲ့ရတာပါ။လိဂ်ဝမ်းပြိုင်ပွဲပြီးဆုံးဖို့ ၂ ပွဲာကျန်ရှိတော့တဲ့အချိန်မှာ ပို့စ်မောက်အသင်းဟာ အဆင့် ၂ နေရာက ဒါဘီအသင်းကို ၈ မှတ်အထိဖြတ်ထားနိုင်ခဲ့တာကြောင့် လိဂ်ဝမ်းပြိုင်ပွဲမှာ ချန်ပီယံဆုကိုပါ ရယူနိုင်ခဲ့တာဖြစ်ပါတယ်။
ချန်ပီယံရှစ်ပြိုင်ပွဲကို တိုက်ရိုက်တန်းတက်ခွင့် ၁ နေရာအတွက်ကို ဒါဘီအသင်းနဲ့ ဘောလ်တန်အသင်းတို့ အပြိုင်ကြိုးစားကြရမှာလည်း ဖြစ်ပါတယ်။