အာဆင်နယ်အသင်းနည်းပြ အာတီတာက ဘိုင်ယန်မြူးနစ်အသင်းအိမ်ကွင်းမှာ ကစားမယ့် ဒုတိယအကျော့ပွဲစဉ်မှာ အနိုင်ယူပြီး သူတို့ ချန်ပီယံလိဂ်ဆီမီးဖိုင်နယ်တက်မယ်လို့ ယုံကြည်ကြောင်းပြောခဲ့ပါတယ်။
ချန်ပီယံလိဂ်ကွာတားဖိုင်နယ်ပထမအကျော့အဖြစ် ကစားခဲ့တဲ့ပွဲမှာ အာဆင်နယ်နဲ့ ဘိုင်ယန်မြူးနစ်အသင်းတို့ ၂ ဂိုးစီသရေကျခဲ့တာပါ။အဲ့ဒါကြောင့် ဒုတိယအကျော့ပွဲစဉ်ဟာ ၂ သင်းစလုံးအတွက် နောက်တစ်ဆင့်တက်ဖို့ အဆုံးအဖြတ်ဖြစ်လာတော့မှာ ဖြစ်ပါတယ်။
အာဆင်နယ်အသင်းဟာ ဘိုင်ယန်အသင်းနဲ့ ကစားခဲ့တဲ့ ပြီးခဲ့တဲ့ ပွဲတွေမှာ ဂိုးပြတ်ရှုံးပွဲတွေနဲ့ ကြုံတွေ့ခဲ့ရပေမယ့် ဒီပွဲမှာတော့ အကောင်းဆုံးတုံ့ပြန်သွားခဲ့တာပါ။
အာတီတာက”ကျနော်တို့ မြူးနစ်ကို သွားပြီး အနိုင်ရယူဖို့ အခွင့်အရေးရလိမ့်မယ်လို့ ယုံကြည်မှုရှိပါတယ်။ကျနော်တို့ တချို့နေရာတွေမှာ ပိုကောင်းလာမယ်လို့ခံစားရပြီး ဒါကို ကျနော်တို့ပြင်ဆင်ရမှာပါ”လို့ ဆိုခဲ့ပါတယ်။
