အင်္ဂလန်အသင်းနည်းပြ ဆောက်ဂိတ်ဟာ ယူရို ၂၀၂၄ ပြိုင်ပွဲအတွက် အပြီးသတ်ကစားသမား ၂၆ ဦးစာရင်း ထုတ်ပြန်ခဲ့ရာမှာ အံ့အားသင့်ဖွယ် ခရစ္စတယ်ပဲလေ့စ်အသင်းက ကစားသမားအများဆုံးပါဝင်ခဲ့တာဖြစ်ပါတယ်။
![](https://www.ballpwel.com/wp-content/uploads/2024/06/JW-TALKSPORT-OFF-PLATFORM-PALACE-ENGLAND-1024x683.webp)
နည်းပြ ဆောက်ဂိတ်ဟာ ဒဏ်ရာရနေတဲ့ မက်ဂွဲယား၊ဂရီလစ်ရှ်နဲ့ မက်ဒီဆင်တို့ကို အပြီးသတ်လူစာရင်းမှာ ချန်လှပ်ပြီး လူငယ်ကစားသမားတွေကို ခေါ်ယူခဲ့တာပါ။အင်္ဂလန်အသင်းရဲ့အပြီးသတ်လူစာရင်းမှာ ခရစ္စတယ်ပဲလေ့စ်အသင်းက ကစားသမား ၄ ဦးအထိ ပါဝင်ခဲ့တာဖြစ်ပါတယ်။
သူတို့တွေကတော့ ဂိုးသမား ဒိန်းဟန်ဒါဆန်၊နောက်ခံလူ ဂူဟီ၊ကွင်းလယ်လူ ဝါတန်နဲ့ တောင်ပံကစားသမား အီဇီတို့ဖြစ်တာပါ။ဒီကစားသမားတွေဟာ ပြီးခဲ့တဲ့ရာသီက ပရီးမီးယားလိဂ်ပြိုင်ပွဲမှာ ခရစ္စတယ်ပဲလေ့စ်အသင်းအတွက် ခြေစွမ်းပြသနိုင်ခဲ့တာကြောင့် ယူရိုပြိုင်ပွဲဝင်မယ့် အင်္ဂလန်အသင်းရဲ့အပြီးသတ်လူစာရင်းမှာ ပါဝင်လာခဲ့တာဖြစ်ပါတယ်။
![](https://www.ballpwel.com/wp-content/uploads/2024/06/GettyImages-2155319716-1024x683.jpg)
ယူရိုလူစာရင်းမှာ မန်စီးတီးအသင်းနဲ့ အာဆင်နယ်အသင်းတို့က ၃ ဦးစီနဲ့ အင်္ဂလန်အသင်းရဲ့လူစာရင်းမှာ ဒုတိယအများဆုံးအဖြစ်ပါဝင်ခဲ့တာပါ။အင်္ဂလန်အသင်းရဲ့လူစာရင်းမှာ ဘိုင်ယန်မြူးနစ်တိုက်စစ်မှူး ဟာရီကိန်းနဲ့ ရီးရယ်လ်ကွင်းလယ်လူ ဘယ်လင်ဂမ်တို့ကလွဲပြီး ကျန်တဲ့ ကစားသမားတွေဟာ ပရီးမီးယားလိဂ်ပြိုင်ပွဲမှာ ကစားနေကြတဲ့ သူတွေဖြစ်ပါတယ်။