အယ်လ်နာဆာအသင်းခေါင်းဆောင် ရော်နယ်ဒိုဟာ ၂၀၂၃-၂၄ ရာသီ ဆော်ဒီပရိုလိဂ်ပြိုင်ပွဲရဲ့မေလအတွက် အကောင်းဆုံးကစားသမားဆုကို ရရှိသွားခဲ့ပါတယ်။
ရော်နယ်ဒိုဟာ ပြီးခဲ့တဲ့ရာသီမှာ ဆုဖလားအောင်မြင်မှုနဲ့ ဝေးခဲ့ပြီး မျက်ရည်တွေနဲ့ အဆုံးသတ်ခဲ့ရပေမယ့် တစ်ဦးချင်းဆုတွေကတော့ ရရှိနေတာပါ။ရော်နယ်ဒိုဟာ ပြီးခဲ့တဲ့ ဆော်ဒီပရိုလိဂ်ပြိုင်ပွဲမှာ ၃၅ ဂိုးအထိသွင်းယူနိုင်ခဲ့ပြီး ဂိုးသွင်းအများဆုံးကစားသမားဆုကို ရရှိခဲ့တာဖြစ်ပါတယ်။ဒါ့အပြင် မေလအတွက် တစ်လတာအကောင်းဆုံးကစားသမားဆုကိုပါ ရရှိခဲ့တာပါ။
ရော်နယ်ဒိုဟာ ပြီးခဲ့တဲ့ ဆော်ဒီပရိုလိဂ်ပြိုင်ပွဲမှာ တစ်လတာအကောင်းဆုံးကစားသမားဆုကို ၅ ကြိမ်အထိစံချိန်တင်ရယူနိုင်ခဲ့တာဖြစ်ပါတယ်။အဲ့ဒါကြောင့် အယ်လ်နာဆာအသင်းဟာ ရော်နယ်ဒိုရဲ့ပုံနဲ့အတူ No. 1 in history 🐐၊ No. 1 in May 🌟 ဆိုပြီး သူတို့ရဲ့ဆိုရှယ်မီဒီယာမှာ ပို့စ်တင်ခဲ့တာပါ။
ရော်နယ်ဒိုဟာ မိသားစုနဲ့အတူ အနားယူ၊အားဖြည့်နေပြီး မကြာခင် ယူရို ၂၀၂၄ ပြိုင်ပွဲဝင်မယ့် ပေါ်တူဂီအသင်းနဲ့ပူးပေါင်းကာ ပြိုင်ပွဲအတွက် လေ့ကျင့်မှုတွေပြုလုပ်တော့မှာဖြစ်ပါတယ်။