မော်ရင်ဟိုကို နည်းပြအဖြစ်ခန့်အပ်ကြောင်း တူရကီကလပ်က အတည်ပြုပြီးနောက် ပေါ်တူဂီလူမျိုးနည်းပြဟာ ဖီနာဘာချီအသင်းပရိသတ်တွေကို မက်ဆေ့ချ်ပေးပို့မှုပြုလုပ်သွားခဲ့ပါတယ်။
ရိုးမားအသင်းကနေ ထုတ်ပယ်ခံရပြီးကတည်းက ဘယ်အသင်းကို ကိုင်တွယ်ရခြင်းမရှိသေးတဲ့ မော်ရင်ဟိုဟာ ဖီနာဘာချီအသင်းကို ကိုင်တွယ်ပြီး နည်းပြလောကထဲကို ပြန်လည်ဝင်ရောက်လာမှာပါ။မော်ရင်ဟိုဟာ ဖီနာဘာချီအသင်းနဲ့ ၂ နှစ်စာချုပ်ချုပ်ဆိုမယ်လို့ သိရပါတယ်။မော်ရင်ဟိုဟာ အစောပိုင်းက ဖီနာဘာချီအသင်းထံ ပြောင်းရွှေ့မှု အပြီးမသတ်သေးဘူးလို့ ပြောပေမယ့် နောက်ပိုင်းမှာ ပရိသတ်တွေထံ မက်ဆေ့ချ်ပေးပို့မှုပြုလုပ်လာခဲ့တာပါ။
ဖီနာဘာချီအသင်းတင်ထားတဲ့ ဗီဒီယိုမှာ မော်ရင်ဟိုက “ဖီနာဘာချီအသင်းပရိသတ်တွေရေ ကျနော်တို့မနက်ဖြန် အသင်းအခြေစိုက်တဲ့နေရာမှာ တွေ့ဆုံကြပြီး ကျနော်တို့ ခရီးကို အတူတူစတင်လိုက်ကြတာပေါ့”လို့ ပြောခဲ့တာဖြစ်ပါတယ်။
Dünyanın En Büyük Spor Kulübünün Büyük Taraftarı!
— Fenerbahçe SK (@Fenerbahce) June 1, 2024
Planlarınız iptal olduysa yeni planı paylaşıyoruz. 😌🙃
2 Haziran Pazar saat 19.00’da stadımızda buluşuyoruz!💛💙 pic.twitter.com/jPOcSnzpZL
ဖီနာဘာချီအသင်းဟာ ပြီးခဲ့တဲ့ရာသီက ဂါလာတာစာရေးအသင်းရဲ့နောက် အဆင့် ၂ နေရာမှာရပ်တည်ကာ ရာသီအဆုံးသတ်ခဲ့တာပါ။ဖီနာဘာချီအသင်းဟာ တူရကီစူပါလိဂ်ဖလားကို ၂၀၁၃-၁၄ ရာသီက နောက်ဆုံးရယူနိုင်ခဲ့တဲ့အတွက် မော်ရင်ဟိုဟာ ၁၀ စုနှစ်ကြာဝေးကွာနေတဲ့ အမှတ်ပေးဖလားကို ပြန်လည်ရယူနိုင်အောင် အသင်းကို ကိုင်တွယ်ပေးရတော့မှာဖြစ်ပါတယ်။
