အင်တာမီလန်အသင်းခေါင်းဆောင် လောတာရိုမာတီနက်ဇ်ဟာ ၂၀၂၃-၂၄ ရာသီ စီးရီးအေပြိုင်ပွဲရဲ့အကောင်းဆုံးကစားသမားဆုဖြစ်တဲ့( Serie A Most Valuable Player)ဆုကို ရရှိသွားခဲ့ပါတယ်။
အာဂျင်တီးနားအသင်းတိုက်စစ်မှူးဟာ ဒီရာသီ အင်တာမီလန်အသင်း စီးရီးအေဖလားရယူနိုင်ခဲ့ရာမှာ အဓိကအခန်းကဏ္ဍကနေပါဝင်ခဲ့ပြီး ခြေစွမ်းပြသနိုင်ခဲ့တာပါ။လောတာရိုမာတီနက်ဇ်ဟာ အင်တာမီလန်အသင်းအတွက် ဒီရာသီစီးရီးအေပြိုင်ပွဲမှာ ၂၄ ဂိုးသွင်းပြီး ၆ ဂိုးသွင်းယူကာ အကောင်းဆုံးကစားသမားဆုကို ရရှိခဲ့တာဖြစ်ပါတယ်။
၂၀၁၈ က ရေဆင်းအသင်းကနေ ရောက်ရှိလာခဲ့တဲ့ လောတာရိုမာတီနက်ဇ်ဟာ အင်တာမီလန်အသင်းအတွက် ၂၈၂ ပွဲပါဝင်ကစားထားပြီး ၁၂၉ ဂိုးသွင်းယူကာ စီးရီးအေဖလားနဲ့ ကိုပါအီတလီယာဖလား ၂ ကြိမ်စီရယူနိုင်ခဲ့တာဖြစ်ပါတယ်။
၂၀၂၃-၂၄ ရာသီ စီးရီးအေရဲ့အကောင်းဆုံးဆုတွေဖြစ်တဲ့ အကောင်းဆုံးနည်းပြဆုကို အင်တာမီလန်အသင်းနည်းပြ အင်ဇာဂီကရရှိသွားခဲ့တာပါ။လောတာရိုမာတီနက်ဇ်ရဲ့အင်တာမီလန်အသင်းဖော်တွေဖြစ်တဲ့ ချာဟာနိုဂလူးက အကောင်းဆုံးကွင်းလယ်ကစားသမားဆုနဲ့ နောက်ခံလူ ဘတ်စတိုနီက အကောင်းဆုံးနောက်တန်းကစားသမားဆုတို့ကို ရရှိသွားခဲ့ကြပါတယ်။
