လက်စတာအသင်းဟာ ဒီမနက်ကစားခဲ့တဲ့ ချန်ပီယံရှစ်ပွဲစဉ်မှာ ပလိုင်းမောက်အသင်းကို ၁ ဂိုး- ဂိုးမရှိနဲ့ အရေးနိမ့်သွားခဲ့ပါတယ်။
![](https://www.ballpwel.com/wp-content/uploads/2024/04/2148448100.0-1024x683.jpg)
လက်စတာအသင်းဟာ ချန်ပီယံရှစ်ပွဲစဉ်အစ ၃၂ ပွဲမှာ ၄ ပွဲသာရှုံးနိမ့်ခဲ့ပေမယ့် နောက်ဆုံး ၁၀ ပွဲမှာ ၆ ပွဲအထိ ရှုံးပွဲကြုံတွေ့ခဲ့တာပါ။ လက်စတာအသင်းဟာ အစောပိုင်းက ချန်ပီယံရှစ်အမှတ်ပေးဇယားအဆင့် ၁ နေရာကို ၁၇ မှတ်ဖြတ်ပြီး ဦးဆောင်နိုင်ခဲ့ပေမယ့် အခုအချိန်မှာတော့ အဆင့် ၂ နေရာက အစ်စဝှစ်နဲ့ ရမှတ်တူ၊ အဆင့် ၃ နေရာက လိဒ်စ်အသင်းကို ၁ မှတ်သာဖြတ်နိုင်တော့တာဖြစ်ပါတယ်။
လက်စတာအသင်းအနေနဲ့ ပရီးမီးယားလိဂ်ကို တိုက်ရိုက်တန်းတက်နိုင်ဖို့အတွက် လက်ကျန်ပွဲစဉ် ၄ ပွဲမှာ ရလဒ်ကောင်းတွေရရှိအောင် စွမ်းဆောင်ရမှာပါ။ဒီလိုမှမဟုတ်ရင်တော့ လက်စတာအသင်းအနေနဲ့ ပလေးအော့ဖ်ပွဲစဉ်တွေကနေ တဆင့် ပရီးမီးယားလိဂ်ကို တန်းတက်အောင်လုပ်ဆောင်ရတော့မှာဖြစ်ပါတယ်။
![](https://www.ballpwel.com/wp-content/uploads/2024/04/skysports-plymouth-mustapha-bundu_6519468.jpg)
ပလိုင်းမောက်အသင်းကတော့ နည်းပြအပြောင်းအလဲပြုလုပ်ပြီးနောက်ကစားခဲ့တဲ့ နောက်ဆုံး ၃ ပွဲစလုံးရှုံးပွဲမရှိခဲ့ဘဲ ၂ ပွဲနိုင် ၁ ပွဲသရေရလဒ်ထွက်ပေါ်ခဲ့တာပါ။ပလိုင်းမောက်အသင်းဟာ ချန်ပီယံရှစ်အမှတ်ပေးဇယားအဆင့် ၁၆ နေရာမှာရပ်တည်နေတာဖြစ်ပါတယ်။