ပြီးခဲ့တဲ့ နွေရာသီက ဆော်ဒီကလပ် အယ်လ်အစ်တီဟတ်အသင်းကို ပြောင်းရွှေ့ခဲ့တဲ့ ဘန်ဇီမာဟာ ဆော်ဒီလိဂ်မှာ ခြေစွမ်းပြနိုင်ဖို့ ရုန်းကန်နေရပြီး ဒီဇင်ဘာလကတည်းက အခုအချိန်ထိ ဂိုးပေါက်ပျောက်ဆုံးနေခဲ့တာဖြစ်ပါတယ်။
![](https://www.ballpwel.com/wp-content/uploads/2024/04/GettyImages-1610626923-1024x576.webp)
ဘန်ဇီမာဟာ ဆော်ဒီကလပ်နဲ့ အဆင်မပြေမှုတွေရှိခဲ့လို့ ပြီးခဲ့တဲ့ ဇန်နဝါရီက အယ်လ်အစ်တီဟတ်အသင်းကနေ ထွက်ခွာပြီး ဥရောပကလပ်တွေထံ ပြန်လာချင်တယ်လို့ သတင်းတွေထွက်ခဲ့သေးတာပါ။ဒါပေမယ့်လည်း ဘန်ဇီမာဟာ အယ်လ်အစ်တီဟတ်အသင်းမှာ ဆက်လက်ရှိနေခဲ့ပြီး ဂိုးပေါက်ရှာဖွေနိုင်ဖို့ ရုန်းကန်နေရတာဖြစ်ပါတယ်။
ဘန်ဇီမာက”ကျနော်ဟာ ရီးရယ်လ်က ဘန်ဇီမာနဲ့ မတူပါဘူး ဘာကြောင့်လဲဆိုရင် အသင်းလည်းမတူ၊ပွဲတွေလည်း မတူသလို ကစားသမားတွေလည်း မတူပါဘူး။ကျနော်ကွင်းထဲမှာ အကူအညီလိုအပ်ပါတယ်။အများကြီးကိုလိုအပ်တာပါ။ကျနော်တစ်ဦးတည်းနဲ့ ပွဲတွေကို အနိုင်ရအောင် မလုပ်နိုင်ဘူး”လို့ဆိုခဲ့ပါတယ်။
![](https://www.ballpwel.com/wp-content/uploads/2024/04/420530445_1032009075393250_4247851499967164341_n.jpg)
အယ်လ်အစ်တီဟတ်အသင်းဟာ ပြီးခဲ့တဲ့ရာသီက ဆော်ဒီပရိုလိဂ်ပြိုင်ပွဲမှာ ချန်ပီယံဖြစ်ခဲ့ပေမယ့် ဒီရာသီမှာ ရလဒ်တွေဆိုးနေပြီး အဆင့် ၄ နေရာမှာ ရပ်တည်နေတာပါ။ဘန်ဇီမာဟာ အယ်လ်အစ်တီဟတ်အသင်းအတွက် ပွဲပေါင်း ၃၀ ပါဝင်ကစားအပြီးမှာ ၁၅ ဂိုးသွင်းယူထားတာဖြစ်ပါတယ်။