မက္ကဆီကိုကလပ် မွန်တာရေးအသင်းပရိသတ်တွေဟာ အင်တာမိုင်ယာမီအသင်းကို အဝေးကွင်းမှာ ၂ ဂိုး-၁ ဂိုးနဲ့ အနိုင်ရခဲ့တဲ့ CONCACAF Champions Cup ကွာတားဖိုင်နယ်ပထမအကျော့ပွဲစဉ်အပြီးမှာ မက်ဆီကြောက်နေပြီလို့ အော်ဟစ်မှုတွေပြုလုပ်ခဲ့ကြတာဖြစ်ပါတယ်။
![](https://www.ballpwel.com/wp-content/uploads/2024/04/GOAL_-_Blank_WEB_-_Facebook_-_2024-04-03T220212.346-1-1024x576.webp)
အင်တာမိုင်ယာမီအသင်းဟာ ဒီပွဲမှာ ဦးဆောင်ဂိုးသွင်းယူနိုင်ခဲ့ပေမယ့် ဒေးဗစ်ရုဇ် ၂ ဝါ၁နီနဲ့ ထုတ်ပယ်ခံရအပြီးမှာ မွန်တာရေးအသင်းကို ချေပဂိုးနဲ့ အနိုင်ဂိုးတွေပေးခဲ့ရတာပါ။မက်ဆီကတော့ ဒဏ်ရာကနေ အပြည့်အဝသက်သာမှုမရှိသေးလို့ ဒီပွဲစဉ်ကို မပါဝင်နိုင်ခဲ့ပေမယ့် ပွဲကိုတက်ရောက်ကြည့်ရှုပြီး အားပေးခဲ့တာဖြစ်ပါတယ်။
မွန်တာရေးအသင်းပရိသတ်တွေကတော့ ကွင်းအတွင်းမှာရှိနေတဲ့ မက်ဆီကို တိုက်ရိုက်ရည်ရွယ်ပြီး မက်ဆီကြောက်နေပြီလို့ အော်ဟစ်ခဲ့ကြတာပါ။မက်ဆီဟာ ဒဏ်ရာကြောင့် အင်တာမိုင်ယာမီအသင်းရဲ့ပွဲစဉ် ၄ ပွဲဆက်တိုက်လွဲခဲ့ပြီး အသင်းကလည်း ဒီ ၄ ပွဲမှာ ၁ ပွဲသာအနိုင်ရခဲ့တဲ့အထိ ရလဒ်တွေမကောင်းဖြစ်နေပါတယ်။
🚨Watch: Monterrey fans chanting “Messi was afraid” 😕
— Inter Miami News Hub (@Intermiamicfhub) April 4, 2024
Hopefully he comes back for the second leg to silence his doubters like he always does 🥹
pic.twitter.com/2JHS0HOKMT
အင်တာမိုင်ယာမီအသင်းဟာ ဧပြီ ၁၁ ရက်မှာ မွန်တာရေးအသင်းနဲ့ ဒုတိယအကျော့ပွဲစဉ်ယှဉ်ပြိုင်မှာဖြစ်ပြီး ဒီပွဲမှာရော မက်ဆီပါဝင်နိုင်မလားဆိုတာ စောင့်ကြည့်ရမှာဖြစ်ပါတယ်။