ရော်နယ်ဒိုဟာ အယ်လ်နာဆာအသင်းက အက်ဘာအသင်းကို ၈ ဂိုး-ဂိုးမရှိနဲ့ ဂိုးပြတ်အနိုင်ရခဲ့တဲ့ ဆော်ဒီပရိုလိဂ်ပွဲစဉ်မှာ အသင်းအတွက် ဟက်ထရစ်သွင်းယူခဲ့ပါတယ်။
ပြီးခဲ့တဲ့အပတ်က အယ်လ်တိုင်အသင်းနဲ့ ပွဲမှာလည်း ဟက်ထရစ်သွင်းခဲ့တဲ့ ရော်နယ်ဒိုအတွက်တော့ အယ်လ်နာဆာအသင်းအတွက် ၂ ပွဲဆက်ဟက်ထရစ်သွင်းယူနိုင်ခဲ့တာပါ။ဒီဟက်ထရစ်ဟာ ရော်နယ်ဒိုရဲ့ကစားသမားဘဝ ၆၅ ကြိမ်မြောက် ဟက်ထရစ်ဖြစ်ခဲ့ပါတယ်။
ရော်နယ်ဒိုဟာ ဒီပွဲမှာသွင်းယူခဲ့တဲ့ ၃ ဂိုးထဲက ၂ ဂိုးက ဖရီးကစ်ကနေ သွင်းယူခဲ့တာပါ။ဒါ့အပြင် ရော်နယ်ဒိုဟာ ဂိုးဖန်တီးမှု ၂ ကြိမ်လည်းပြုလုပ်ခဲ့တာဖြစ်ပါတယ်။အယ်လ်နာဆာအသင်းကတော့ ပထမပိုင်းအပြီးမှာ ရော်နယ်ဒိုကို အနားပေးခဲ့တာပါ။
ရော်နယ်ဒိုဟာ ဒီရာသီ အယ်လ်နာဆာအသင်းအတွက် ဆော်ဒီပရိုလိဂ် ၂၄ ပွဲကစားအပြီးမှာ ၂၉ ဂိုးသွင်းပြီး ၁၁ ဂိုးဖန်တီးထားတာဖြစ်ပါတယ်။
