အာဂျင်တီးနားအသင်းခေါင်းဆောင် မက်ဆီဟာ သူ့အတွက် ဘောလုံးမှာ အောင်မြင်မှုရယူစရာမရှိတော့ဘူးလို့ MBC1’s Big Time Podcast နဲ့ ပြုလုပ်ခဲ့တဲ့ အင်တာဗျူးမှာ ဆိုခဲ့ပါတယ်။
![](https://www.ballpwel.com/wp-content/uploads/2024/03/GettyImages-1450151773_1-1024x576.webp)
မက်ဆီဟာ ဘာစီလိုနာအသင်းမှာ အောင်မြင်မှုအများအပြားရယူနိုင်ခဲ့ပြီး ပီအက်စ်ဂျီနဲ့ အင်တာမိုင်ယာမီအသင်းထံ ပြောင်းရွှေ့ချိန်မှာလည်း ဆုဖလားအောင်မြင်မှုတွေရယူနိုင်ခဲ့တာပါ။ဒါ့အပြင် မက်ဆီဟာ အာဂျင်တီးနားအသင်းနဲ့ ကမ္ဘာ့ဖလား၊ ကိုပါအမေရိကဖလားတွေကိုလည်း ပိုင်ဆိုင်ထားပြီးဖြစ်ပါတယ်။
မက်ဆီဟာ ဘောလွန်းဒီအောဆုကို ၈ ကြိမ်အထိရယူနိုင်ခဲ့သလို နောက်ထပ်တစ်ဦးချင်ဆုအများအပြားကိုလည်း ရယူနိုင်ခဲ့တာပါ။အဲ့ဒါကြောင့် မက်ဆီက ဘောလုံးမှာ သူ့အတွက် ရယူစရာထပ်ပြီးမရှိတော့ဘူးလို့ ပြောခဲ့တာဖြစ်ပါတယ်။
![](https://www.ballpwel.com/wp-content/uploads/2024/03/Reuters-1-1024x683.jpg)
မက်ဆီက “နောက်ထပ် အိပ်မက်က ဘာလဲဆိုတာ ကျနော်မသိပါဘူး။ အားကစားအဆင့်မှာ ကျနော့်ရဲ့အိပ်မက်တွေအားလုံးကို အောင်မြင်အောင် စွမ်းဆောင်နိုင်ခဲ့တာကြောင့် ကျနော်ကံကောင်းခဲ့တယ်လို့”ဆိုခဲ့တာဖြစ်ပါတယ်။