ယူရို ၂၀၂၄ ပြိုင်ပွဲယှဉ်ပြိုင်ဖို့အတွက် နောက်ဆုံးကျန်ရှိနေတဲ့ လက်ကျန် ၃ နေရာအတွက် ပလေးအောဖ့်ဗိုလ်လုပွဲစဉ် ၃ ပွဲကစားအပြီးမှာ ပိုလန်၊ယူကရိန်းနဲ့ ဂျော်ဂျီယာတို့အနိုင်ရပြီး ဝင်ခွင့်လက်မှတ်ပိုင်ဆိုင်သွားခဲ့တာဖြစ်ပါတယ်။
Path A ဗိုလ်လုပွဲဖြစ်တဲ့ ဝေးလ်စ်နဲ့ ပိုလန်အသင်းတို့ပွဲမှာ ဝေးလ်စ်အသင်းက ပင်နယ်တီအဆုံးအဖြတ်မှာ ၅ ဂိုး- ၄ ဂိုးနဲ့ အနိုင်ရပြီး ယူရိုပြိုင်ပွဲယှဉ်ပြိုင်ခွင့်ရရှိသွားခဲ့ပါတယ်။ပိုလန်အသင်းဟာ ယူရို ၂၀၂၄ ပြိုင်ပွဲမှာတော့ နယ်သာလန်၊သြစတြီးယား၊ပြင်သစ်အသင်းတို့နဲ့ တစ်အုပ်စုတည်းယှဉ်ပြိုင်ရမှာဖြစ်ပါတယ်။
Path B ဗိုလ်လုပွဲဖြစ်တဲ့ ယူကရိန်းနဲ့ အိုက်စလန်အသင်းတို့ပွဲမှာ ယူကရိန်းအသင်းက ၂ ဂိုး-၁ ဂိုးနဲ့ အနိုင်ရရှိခဲ့ပါတယ်။အဲ့ဒါကြောင့် ယူကရိန်းအသင်းဟာ ယူရို ၂၀၂၄ ပြိုင်ပွဲမှာ ဘယ်လ်ဂျီယံ၊ဆလိုဗက်ကီးယား၊ရိုမေးနီးယားအသင်းတို့နဲ့ တစ်အုပ်စုတည်း ယှဉ်ပြိုင်ရမှာပါ။
Path C ဗိုလ်လုပွဲမှာတော့ ဂျော်ဂျီယာအသင်းက ဂရိအသင်းကို ပင်နယ်တီအဆုံးအဖြတ် ၄ ဂိုး-၂ ဂိုးနဲ့ အနိုင်ရရှိခဲ့တာဖြစ်ပါတယ်။ဂျော်ဂျီယာအသင်းကတော့ သမိုင်းတစ်လျှောက် ပထမဆုံးအကြိမ် အဓိကပြိုင်ပွဲတစ်ပွဲကို ယှဉ်ပြိုင်ခွင့်ရရှိခဲ့တာပါ။ဂျော်ဂျီယာအသင်းဟာ ယူရို ၂၀၂၄ ပြိုင်ပွဲမှာ တူရကီ၊ပေါ်တူဂီ၊ချက်အသင်းတို့နဲ့ တစ်အုပ်စုတည်းကျရောက်နေတာဖြစ်ပါတယ်။