ပြင်သစ်နည်းပြ ဒက်ချမ့်ပ်စ်က အသင်းမှာ ခြေစွမ်းပြသနိုင်ခြင်းမရှိတဲ့ နောက်ခံလူ ဆာလီဘာကို ဝေဖန်မှုပြုလုပ်သွားခဲ့ပါတယ်။
![](https://www.ballpwel.com/wp-content/uploads/2024/03/ri-hsKcg.jpg)
ဆာလီဘာဟာ အာဆင်နယ်အသင်းမှာ အကောင်းဆုံးခြေစွမ်းပြသနေပြီး အသင်းရဲ့ခံစစ်ကို ဦးဆောင်ထားပေမယ့် ပြင်သစ်အသင်းမှာတော့ ပုံမှန်ကစားခွင့်ရဖို့ ရုန်းကန်နေရတာပါ။ဆာလီဘာဟာ ပြင်သစ်အသင်းနောက်ဆုံးကစားခဲ့တဲ့ ၁၈ ပွဲမှာ ၂ ပွဲသာပွဲထွက်ခွင့်ရရှိတဲ့အထိ နည်းပြရဲ့ယုံကြည်မှုကို မရရှိတာဖြစ်ပါတယ်။
ပြင်သစ်နည်းပြ ဒက်ချမ့်ပ်စ်က ဆာလီဘာနဲ့ပတ်သက်ပြီး “သူဟာ ကောင်းမွန်တဲ့ရာသီတစ်ခုရှိနေပေမယ့် သူဟာ ကျနော်ကြိုက်နှစ်သက်မှုမရှိတဲ့ အရာတွေကို ပြုလုပ်ပါတယ်။ပြင်သစ်မှာဆိုရင် သူ့အတွက် ပွဲကစားချိန်က အကန့်အသတ်နဲ့သာ ရှိတာဖြစ်ပါတယ်။ဒါပေမယ့် သူဟာ ပါဝင်ကစားတဲ့အချိန်မှာလည်း ကောင်းမွန်စွာစွမ်းဆောင်နိုင်ခြင်းမရှိပါဘူး။ကစားသမားတွေ ပုံစံကောင်းရနေတော့ သူဟာ အခုအချိန်မှာ မျက်နှာသာမရပေမယ့် သူက ဒီမှာရှိနေပါတယ်”လို့ ဆိုခဲ့ပါတယ်။
![](https://www.ballpwel.com/wp-content/uploads/2024/03/GOAL_-_Blank_WEB_-_Facebook-1024x576.webp)
ဆာလီဘာဟာ ပြင်သစ်အသင်းက ဂျာမနီအသင်းကို အရေးနိမ့်တဲ့ပွဲစဉ်မှာ ပါဝင်ကစားခွင့်မရခဲ့ပေမယ့် ချီလီအသင်းနဲ့ပွဲမှာတော့ ပြင်သစ်အသင်း ပွဲထွက်လူစာရင်းမှာ ပါဝင်လာနိုင်တယ်လို့ သိရပါတယ်။ဆာလီဘာဟာ လက်ရှိအချိန်ထိ ပြင်သစ်အသင်းအတွက် ၁၂ ပွဲပါဝင်ကစားထားတာဖြစ်ပါတယ်။