စပါးအသင်းနည်းပြ ပိုစတီကိုဂလူးဟာ ဖူလ်ဟမ်အသင်းကို ၂ ဂိုး- ဂိုးမရှိနဲ့ အနိုင်ရခဲ့ပေမယ့် အသင်းရဲ့ဒုတိယပိုင်းကစားပုံဟာ အလွန်စိတ်ပျက်ဖို့ ကောင်းတယ်လို့ ပြောလိုက်ပါတယ်။
စပါးအသင်းဟာ ဆွန်ဟောင်မင်၊ မက်ဒီဆင်တို့ရဲ့သွင်းဂိုးတွေနဲ့အတူ ဖူလ်ဟမ်အသင်းကို အနိုင်ရခဲ့ပြီး ပရီးမီးယားလိဂ်အမှတ်ပေးဇယားထိပ်ဆုံးနေရာကို ၂ မှတ်အသာနဲ့ ဦးဆောင်နိုင်ခဲ့ပါတယ်။စပါးအသင်းဟာ ဒီရာသီပရီးမီးယားလိဂ် ၉ ပွဲကစားအပြီးမှာ ရမှတ် ၂၃ မှတ်အထိရရှိထားတာဖြစ်ပါတယ်။
အဲ့ဒါကြောင့် နည်းပြ ပိုစတီကိုဂလူးအတွက်တော့ ပရီးမီးယားလိဂ်သမိုင်းမှာ ပထမဆုံး ၉ ပွဲကစားအပြီး ရမှတ်အများဆုံးရယူနိုင်ခဲ့တဲ့နည်းပြအဖြစ် စံချိန်ရေးထိုးနိုင်ခဲ့ပါတယ်။ပိုစတီကိုဂလူးဟာ ဖူလ်ဟမ်အသင်းကို အနိုင်ရခဲ့လို့ ကျေနပ်ပေမယ့် ဒုတိယပိုင်းကစားပုံကိုတော့ စိတ်ပျက်မိတယ်လို့ ဝန်ခံခဲ့ပါတယ်။
ပိုစတီကိုဂလူးက “ဒုတိယပိုင်းမှာ ကျွန်တော်တို့ဟာ ဘောလုံးတွေကို ဖြုန်းတီးခဲ့ပြီး အဝေးတွေကို ပေးခဲ့ပါတယ်။လုပ်အားနှုန်းကောင်းမွန်တဲ့အရာက အပေါင်းလက္ခဏာဆောင်တဲ့အရာအဖြစ်ရှိပါတယ်။ဒုတိယပိုင်းမှာ ကျွန်တော်တို့ရဲ့စွမ်းဆောင်ရည်ဟာ ဘောလုံးနဲ့အတူ ကောင်းမွန်တဲ့အဆင့်မှာ ရှိမနေဘဲ ဘောလုံးနဲ့ရှိတဲ့ အဆိုးရွားဆုံး ၄၅ မိနစ်တောင်ဖြစ်နိုင်တယ်”လို့ ဆိုခဲ့ပါတယ်။
စပါးအသင်းဟာ ဒီတစ်ပတ်ပရီးမီးယားလိဂ်ပွဲစဉ်အဖြစ် ပဲလေ့စ်အသင်းနဲ့ ယှဉ်ပြိုင်ရမှာဖြစ်ပါတယ်။
