Uncategorized

Stop Watch နဲ့တောင် ကစားရလိမ့်မယ်လို့ပဲလေ့စ်နဲ့ပွဲအပြီး ပြောခဲ့တဲ့ အာတီတာ

အာဆင်နယ်အသင်းနည်းပြ အာတီတာက နောက်ခံလူ တိုမီယာဆု အချိန်ဆွဲကစားတယ်ဆိုပြီး ကွင်းလယ်ဒိုင်လူကြီးက အဝါကတ်ပြသတဲ့အပေါ် စိတ်ပျက်နေပြီး Stop Watch နဲ့တောင် ကစားရမယ်လို့ ပြောလိုက်ပါတယ်။

အာဆင်နယ်အသင်းဟာ ပဲလေ့စ်အသင်းကို အိုဒီဂတ်ရဲ့သွင်းဂိုးနဲ့ ၁ ဂိုး- ဂိုးမရှိနဲ့ အနိုင်ရခဲ့ပြီး ရာသီသစ် ပရီးမီးယားလိဂ်ပြိုင်ပွဲမှာ ၂ ပွဲဆက်တိုက်နိုင်ပွဲရယူနိုင်ခဲ့တာပါ။ဒီပွဲမှာ တိုမီယာဆုဟာ လက်ပစ်ဘောမြှောက်ဖို့ အချိန်ဆွဲတဲ့အတွက် အဝါကတ်ပြသခံခဲ့ရပြီး သိပ်မကြာခင် ဂျော်ဒန်အာယူးကို ပြစ်ဒဏ်ကျူးလွန်ခဲ့လို့ နှစ်ဝါတစ်နီနဲ့ ထုတ်ပယ်ခံခဲ့ရတာဖြစ်ပါတယ်။

အာတီတာက “တိုမီယာဆုရဲ့လက်ပစ်ဘောက ၂၃ စက္ကန့်ကြာတယ်လို့ ပြောရင် မဟုတ်ဘူးလို့ ပြောရမှာပါ။ကျွန်တော်ကတော့ ၈ စက္ကန့်ပဲကြာတယ်လို့ ထင်ပါတယ်။ကျွန်တော်တို့ဟာ ဒီအတွက် Stop Watch နဲ့ ကစားရကောင်းကစားရမှာဖြစ်ပေမယ့် အနိုင်ရခဲ့တဲ့အတွက် ကျွန်တော်ပျော်ပါတယ်”လို့ ဆိုခဲ့ပါတယ်။

လီဗာပူးလ်အသင်းနောက်ခံလူ ကာရေဂါကတော့ တိုမီယာဆုဟာ အချိန်ဆွဲတယ်လို့ မထင်ဘဲ သူဟာ လက်ပစ်ဘောမြှောက်ဖို့အတွက် ပြေးခဲ့တာပါလို့ ပြောခဲ့တာပါ။အခုနှစ် ပရီးမီးယားလိဂ်ပြိုင်ပွဲမှာ အချိန်ဆွဲကစားတာနဲ့ စောဒကတက်တာတွေပြုလုပ်ရင် ဒိုင်လူကြီးတွေအနေနဲ့ အဝါကတ်ပြသဖို့ ညွှန်ကြားခံထားရတာဖြစ်ပါတယ်။

ဆက်စပ်သတင်းများ

Uncategorized

ФЕНОМЕН NFT NON-FUNGIBLE TOKENS КАК ОБЪЕКТА БУХГАЛТЕРСКОГО УЧЕТА тема научной статьи по экономике и бизнесу читайте бесплатно текст научно-исследовательской работы в электронной библиотеке КиберЛенинка

Содержание Ответы на часто задаваемые вопросы о NFT ФЕНОМЕН NFT (NON-FUNGIBLE TOKENS) КАК ОБЪЕКТА БУХГАЛТЕРСКОГО УЧЕТА Текст научной статьи по
Uncategorized

Blockmason Credit Protocol BCPT price today BCPT to USD Forecast & News

Contents Blockmason Credit Protocol Price Chart Market How Many Blockmason Credit Protocol Coins Are There? Contract Address Blockmason Credit Protocol