လီဗာပူးလ်အသင်းတိုက်စစ်မှူး ဆာလတ်ဟာ ဆော်ဒီပရိုလိဂ်ချန်ပီယံ အယ်လ်အီတီဟတ်အသင်းထံ ပြောင်းရွှေ့နိုင်တယ်လို့ သတင်းတွေထွက်နေတဲ့အပေါ် ကစားသမားရဲ့အေးဂျင့်က ငြင်းဆန်သွားခဲ့ပါတယ်။
အယ်လ်အီတီဟတ်အသင်းဟာ အခုအပြောင်းအရွှေ့မှာ ဘန်ဇီမာ၊ ကန်တီ၊ဖာဘင်ဟိုနဲ့ ဂျိုတာတို့ကို ခေါ်ယူပြီးနောက် ဥရောပရှိထိပ်တန်းကစားသမားတွေကို ခေါ်ယူနိုင်ဖို့အတွက် ထပ်ပြီးကြိုးစားနေတာပါ။အခုအချိန်မှာ အယ်လ်အီတီဟတ်အသင်းဟာ ဆာလတ်ကို ၂ နှစ်စာချုပ်လုပ်ခလစာ ပေါင်သန်း ၁၅၀ ကျော်နဲ့ ကမ်းလှမ်းဖို့ ပြင်ဆင်နေတယ်လို့ သိရပါတယ်။
ဆာလတ်ဟာ ပြီးခဲ့တဲ့နှစ် နွေရာသီကမှ လီဗာပူးလ်အသင်းမှာ ၂၀၂၅ အထိရှိမယ့် ၃ နှစ်စာချုပ်ချုပ်ဆိုခဲ့ပါတယ်။အဲ့ဒါကြောင့် အေးဂျင့်က ဆာလတ်ဟာ လီဗာပူးလ်မှာပဲ ဆက်ရှိသွားမယ်လို့ ပြောသွားခဲ့တာပါ။
ဆာလတ်ရဲ့အေးဂျင့်က “မိုဟာမတ်က လီဗာပူးလ်မှာပဲ ဆက်ရှိမှာပါ။အခုနှစ်မှာ လီဗာပူးလ်က ထွက်ခွာဖို့ စဉ်းစားခဲ့ရင် စာချုပ်သက်တမ်းတိုးမှာမဟုတ်ဘူး”လို့ ဆိုရှယ်မီဒီယာမှာ ရေးသားခဲ့တာဖြစ်ပါတယ်။
၂၀၁၇ က ရိုးမားကနေ ရောက်ရှိလာခဲ့တဲ့ ဆာလတ်ဟာ လီဗာပူးလ်အသင်းအတွက် ၃၀၅ ပွဲပါဝင်ကစားထားပြီး ၁၈၆ ဂိုးသွင်းယူကာ ဆုဖလားအားလုံးကို ရယူထားတာဖြစ်ပါတယ်။
