တိုက်စစ်မှူး ဂီရောဒ့်ဟာ အေစီမီလန်အသင်းက ဂျီနိုအာအသင်းကို ၁ ဂိုး- ဂိုးမရှိနဲ့ အနိုင်ရခဲ့တဲ့ ဂိုးသမား မိုက်ဂနန့်ထုတ်ပယ်ခံခဲ့ရလို့ အေစီမီလန်အသင်းဂိုးပေါက်ကို တာဝန်ယူခဲ့ပြီး အပိုင်အခွင့်အရေးကို ကာကွယ်မှုပြုလုပ်သွားခဲ့ပါတယ်။
အေစီမီလန်ဂိုးသမား မိုက်ဂနန်ဟာ နာကျင်အချိန်ပိုမှာ ပြိုင်ဘက်ကစားသမား ပြစ်ဒဏ်ကျူးလွန်ခဲ့လို့ တိုက်ရိုက်အနီကတ်နဲ့ ထုတ်ပယ်ခံခဲ့ရတာပါ။ဒီအချိန်မှာ အေစီမီလန်အသင်းဟာ လူစားလဲဖို့ ကစားသမားပြည့်သွားခဲ့ပြီဖြစ်လို့ ဂီရောဒ့်က ဂိုးသမားအဖြစ် တာဝန်ယူဖမ်းသွားခဲ့တာဖြစ်ပါတယ်။
ဂီရောဒ့်ဟာ နာကျင်အချိန်ပိုနောက်ဆုံးမိနစ်မှာ ဂျီနိုအာအသင်းရဲ့ဂိုးရနိုင်မယ့် အခွင့်အရေးကို အကောင်းဆုံးကာကွယ်နိုင်ခဲ့ပြီး အသင်းကို အဖိုးတန် ၃ မှတ်ယူပေးခဲ့တာပါ။ဂီရောဒ့်ကတော့ သူဟာ ဒီလိုအတွေ့အကြုံမျိုးကို မကြုံတွေ့ခဲ့ဖူးပေမယ့် အသင်းတစ်ခုလုံးအတွက် ဂုဏ်ယူမိကြောင်းနဲ့ တစ်သင်းလုံးဟာ ခြင်္သေ့လိုတိုက်ပွဲဝင်ခဲ့ကြတယ်လို့ ပွဲအပြီးမှာ ပြောခဲ့ပါတယ်။
ဒါ့အပြင် ဂီရောဒ့်က ဒီအင်္ကျီကို ဘောင်ခတ်ပြီးသိမ်းထားမယ်လို့ လည်းပြောခဲ့တာဖြစ်ပါတယ်။ အေစီမီလန်အသင်းဟာ ဒီနိုင်ပွဲကြောင့် အင်တာမီလန်အသင်းကို ၂ မှတ်အသာနဲ့ စီးရီးအေအမှတ်ပေးဇယားထိပ်ဆုံးနေရာကို ဦးဆောင်နိုင်ခဲ့ပါတယ်။
