အာဆင်နယ်အသင်းဆယ်ကျော်သက်ကစားသမား အိုဘီမာတင်ဟာ အာဆင်နယ်ယူ-၁၆ အသင်းက လီဗာပူးလ်ယူ-၁၆ အသင်းကို အနိုင်ရတဲ့ပွဲမှာ အာဆင်နယ်အသင်းအတွက်တစ်ဦးတည်း ၁၀ ဂိုးသွင်းယူပေးခဲ့တာဖြစ်ပါတယ်။
ဒီပွဲမှာ အာဆင်နယ်အသင်းဟာ လီဗာပူးလ်အသင်းကို ၁၄ ဂိုး- ၃ ဂိုးနဲ့ အနိုင်ရရှိခဲ့တာပါ။အသက် ၁၅ နှစ်အရွယ်သာရှိသေးတဲ့ အိုဘီမာတင်ဟာ ဒီရာသီမှာ အာဆင်နယ်ယူ-၁၈၊ ယူ-၁၉ နဲ့ ယူ-၂၁ အသင်းတွေမှာ ပါဝင်ကစားခဲ့တာဖြစ်ပါတယ်။အိုဘီမာတင်ဟာ လာမယ့်ရာသီအတွက် အာဆင်နယ်အသင်းနဲ့ ပညာသင်ဆုချုပ်ဆိုထားပြီး ပထမအသင်းကြီးနဲ့ လေ့ကျင့်မှုတွေပြုလုပ်ထားခဲ့တာပါ။
အိုဘီမာတင်ဟာ အန်ဝါနာရီပြီးနောက် နည်းပြ အာတီတာက အသင်းကြီးလူစာရင်းထံ ခေါ်ယူခံရဖို့ မျက်စိကျလာနိုင်တဲ့ ကစားသမားဖြစ်လာနိုင်ဖွယ်ရှိနေပါတယ်။အိုဘီမာတင်ဟာ အခုအချိန်မှာ အသင်းကြီးလူစာရင်းထံ ပါဝင်နိုင်ဖို့ မရှိသေးပေမယ့် အနာဂတ်မှာတော့ အာဆင်နယ်အသင်းကြီးအတွက် ပါဝင်ကစားရဖို့ ရှိနေတာပါ။
အိုဘီမာတင်ဟာ ဒီရာသီ ဆောက်သမ်တန်ယူ-၁၈ အသင်းနဲ့ ပွဲစဉ်မှာလည်း အာဆင်နယ်ယူ-၁၈ အသင်းအတွက် ဟက်ထရစ်ဂိုးသွင်းယူထားတာဖြစ်ပါတယ်။အိုဘီမာတင်ဟာ လာမယ့်အပတ်မှာ ကစားမယ့် ယူ-၂၁ ၊ ယူ-၁၉ အသင်းတွေရဲ့ပွဲစဉ်တွေမှာ အာဆင်နယ်လူငယ်အသင်းတွေအတွက် ပါဝင်လာနိုင်ဖွယ်ရှိနေတာဖြစ်ပါတယ်။
