ရာသီသစ်ပရီးမီးယားလိဂ်အဖွင့်ပွဲစဉ်အဖြစ် ဘန်လေနဲ့ မန်စီးတီးအသင်းတို့ကစားခဲ့ရာ မန်စီးတီးအသင်းက ၃ ဂိုး- ဂိုးမရှိနဲ့ အနိုင်ရခဲ့ပြီး အဖွင့် ၃ မှတ်စတင်ပိုင်ဆိုင်သွားခဲ့ပါတယ်။
ဒီပွဲမှာ မန်စီးတီးအသင်းအတွက်ဂိုးတွေကို ပြီးခဲ့တဲ့ရာသီက ပြိုင်ပွဲစုံ ၅၂ ဂိုးသွင်းယူခဲ့တဲ့ ဟာလန်းက ၂ ဂိုးနဲ့ ရိုဒရီက ၁ ဂိုးသွင်းယူခဲ့တာပါ။ဟာလန်းကတာ့ ရာသီသစ် ပရီးမီးယားလိဂ်ပြိုင်ပွဲရဲ့အဖွင့်ဂိုးသွင်းယူသူအဖြစ် မှတ်တမ်းရေးထိုးနိုင်ခဲ့ပြီလည်း ဖြစ်ပါတယ်။
မန်စီးတီးအသင်းဟာ တစ်ပွဲလုံးအသာစီးနဲ့ ကစားနိုင်ခဲ့ပြီး ဘောလုံးပိုင်ဆိုင်မှု ၆၆ ရာခိုင်နှုန်း၊ဂိုးပေါက်ကန်သွင်းမှု ၁၇ ကြိမ်၊ ဂိုးပေါက်တည့်မှု ၈ ကြိမ်အထိရှိခဲ့တာပါ။ဘန်လေအသင်းကတော့ ဘောလုံးပိုင်ဆိုင်မှု ၃၄ ရာခိုင်နှုန်း၊ဂိုးပေါက်ကန်သွင်းမှု ၆ ကြိမ်နဲ့ ဂိုးပေါက်တည့်မှု ၁ ကြိမ်သာရှိခဲ့တာဖြစ်ပါတယ်။
ဒီပွဲရဲ့နာကျင်အချိန်ပိုမှာ ဘန်လေကစားသမား ဇာရိုရီ အနီကတ်နဲ့ ထုတ်ပယ်ခံခဲ့ရပါတယ်။ဒီအနီကတ်ဟာ အခုနှစ် ပရီးမီးယားလိဂ်ပြိုင်ပွဲရဲ့ပထမဆုံးအနီကတ်လည်း ဖြစ်ခဲ့တာပါ။မန်စီးတီးအသင်းဟာ ဘန်လေအသင်းနဲ့ တွေ့ဆုံခဲ့တဲ့ နောက်ပိုင်းနှစ်တွေမှာ ဂိုးပြတ်နိုင်ပွဲတွေပဲ ရယူခဲ့သလို ဒီတစ်ကြိမ်မှာလည်း ဂိုးပြတ်နိုင်ပွဲရယူနိုင်ခဲ့တာဖြစ်ပါတယ်။
