အာဆင်နယ်အသင်းဟာ ဝက်စ်ဟမ်းအသင်းနဲ့ အဝေးကွင်းမှာ ကစားခဲ့တဲ့ ပရီးမီးယားလိဂ်ပွဲစဉ်မှာ အာဆင်နယ်အသင်းက ၆ ဂိုး- ဂိုးမရှိနဲ့ ဂိုးပြတ်အနိုင်ရရှိခဲ့တာဖြစ်ပါတယ်။
ဝက်စ်ဟမ်းအသင်းဟာ ပွဲအစပိုင်းမှာသာ အာဆင်နယ်အသင်းကို ဖိအားပေးနိုင်ခဲ့ပေမယ့် ပွဲချိန်ကြာလာတာနဲ့အမျှ အာဆင်နယ်အသင်းကပဲ ဂိုးရဖို့ ဆက်တိုက်ဖိအားပေးပြီး ကစားခဲ့တာပါ။အဲ့ဒါကြောင့် အာဆင်နယ်အသင်းဟာ ပထမပိုင်းအတွင်းမှာ သွင်းဂိုး ၄ ဂိုးရယူနိုင်ခဲ့တာဖြစ်ပါတယ်။ပထမပိုင်းမှာ အာဆင်နယ်အသင်းအတွက်ဂိုးတွေကို ဆာလီဘာ၊ဆာကာ၊ ဂါဘရီရယ်လ်နဲ့ ထရော့ဆာဒ်တို့က သွင်းယူခဲ့တာဖြစ်ပါတယ်။
ဒုတိယပိုင်းမှာလည်း အာဆင်နယ်အသင်းဟာ ဝက်စ်ဟမ်းအသင်းကို ဖိအားပေးတိုက်စစ်ဆင်ခဲ့လို့ နောက်ထပ် ၂ ဂိုးထပ်ရခဲ့ပါတယ်။ဒီဂိုးတွေကို ဆာကာနဲ့ ဒီကလန်ရိုက်စ်က သွင်းယူခဲ့တာပါ။အဲ့ဒီနောက်ပိုင်းမှာ အာဆင်နယ်အသင်းဟာ အဓိက ကစားသမားတွေကို အနားပေးပြီး ပွဲကို အကောင်းဆုံးထိန်းချုပ်သွားနိုင်ခဲ့တာဖြစ်ပါတယ်။ဒီပွဲမှာ ၂ ဂိုးသွင်းခဲ့တဲ့ ဆာကာဟာ အာဆင်နယ်အသင်းကစားသမားဘ၀ သွင်းဂိုး ၅၁ ဂိုးအထိရှိသွားခဲ့ပြီဖြစ်တာပါ။
အာဆင်နယ်အသင်းဟာ ဒီပွဲအနိုင်ရခဲ့တာကြောင့် အဆင့် ၃ နေရာမှာပဲ ဆက်လက်ရပ်တည်နေပြီး လီဗာပူးလ်နဲ့ မန်စီးတီးအသင်းတို့ကို ဆက်ပြီးဖိအားပေးနေတာဖြစ်ပါတယ်။