ပဲလေ့စ်အသင်းကို အိမ်ကွင်းမှာ ၁ ဂိုး- ဂိုးမရှိနဲ့ အရေးနိမ့်ပြီး နှစ်ပေါင်း ၃၄ နှစ်အတွင်း အဆိုးရွားဆုံးရာသီစတင်မှုနဲ့ ကြုံတွေ့ခဲ့ရပြီးနောက် ယူနိုက်တက်အသင်းပရိသတ်တွေက အသင်းကို လှောင်ပြောင်မှုတွေပြုလုပ်ခဲ့ကြပါတယ်။
ယူနိုက်တက်အသင်းဟာ ပဲလေ့စ်အသင်းကို အရေးနိမ့်ခဲ့တာကြောင့် အခုနှစ်ဘောလုံးရာသီ ပရီးမီးယားလိဂ် ၇ ပွဲကစားအပြီးမှာ ၄ ပွဲမြောက်ရှုံးပွဲကြုံတွေ့ခဲ့ရကာ ၁၉၈၉ ခုနှစ်က နည်းပြကြီး ဆာအဲလက်စ်ဖာဂူဆန် ကိုင်တွယ်ခဲ့တုန်းက ဆိုးရွားခဲ့တဲ့ မှတ်တမ်းနဲ့ တူညီသွားခဲ့တာပါ။အဲ့ဒါကြောင့် ပရိသတ်တွေက လှောင်ပြောင်ခဲ့တဲ့အပေါ် နားလည်တယ်လို့ အဲရစ်တန်ဟတ်က ပြောခဲ့တာဖြစ်ပါတယ်။
အဲရစ်တန်ဟတ်က “ပရိသတ်တွေရဲ့လှောင်ပြောင်မှုကို နားလည်ပါတယ်။ကျွန်တော်တို့ဟာ ပဲလေ့စ်ကို အိမ်ကွင်းမှာ လက်ခံကစားရတဲ့အတွက် လေးစားမှုအပြည့်နဲ့ အနိုင်ရအောင် ကစားရမှာပါ။ပရီးမီးယားလိဂ်ပွဲစဉ်တိုင်းက ခက်ခဲတယ်ဆိုတာ သိပါတယ်။ကျွန်တော်တို့က အကောင်းဆုံးကစားရမှာဖြစ်သလို ပရိသတ်တွေကလည်း အကောင်းဆုံးကို မျှော်လင့်နေတယ်ဆိုတာ သိပါတယ်”
“ဒါဟာ ဆိုးရွားတဲ့စတင်မှုဖြစ်ပြီး ပိုပြီးကောင်းမွန်အောင်လုပ်ရပါမယ်။အခုစွမ်းဆောင်ရည်တွေက မလုံလောက်ပါဘူး။ကျွန်တော်တို့ဟာ နိုင်ပွဲတွေဆက်တိုက်ရယူဖို့နဲ့ အခုထက်ပိုပြီးကောင်းလာအောင် လုပ်ရမှာပါ။ကျွန်တော်တို့မှာ ဘာဆင်ခြေမှမရှိပါဘူး။အနိုင်ရဖို့လိုအပ်ပါတယ်”လို့ ဆိုခဲ့ပါတယ်။
ယူနိုက်တက်အသင်းဟာ ဒီရှုံးပွဲကြောင့် ပရီးမီးယားလိဂ်အမှတ်ပေးဇယားအဆင့် ၁၀ နေရာမှာရပ်တည်နေပြီး ကြားရက်ထဲမှာ ဂါလာတာစာရေးနဲ့ ချန်ပီယံလိဂ်ပွဲစဉ်ယှဉ်ပြိုင်ရမှာဖြစ်ပါတယ်။
