ဘာစီလိုနာအသင်းဟာ ဒီမနက်ပိုင်းက ကစားခဲ့တဲ့ စပိန်လာလီဂါပွဲစဉ်မှာ ဘက်တစ်အသင်းကို ၅ ဂိုး- ဂိုးမရှိနဲ့ ဂိုးပြတ်အနိုင်ရရှိသွားခဲ့ပါတယ်။
ဘာစီလိုနာအသင်းဟာ နွေရာသီအပြောင်းအရွှေ့နောက်ဆုံးနေ့က ခေါ်ယူထားတဲ့ ဂျာအိုဖီးလစ်နဲ့ ကန်ဆယ်လိုတို့နှစ်ဦးစလုံးကို ဒီပွဲရဲ့ပွဲထွက်လူစာရင်းမှာ အသုံးပြုသွားခဲ့တာပါ။ဘာစီလိုနာအသင်းဟာ ဘက်တစ်အသင်းကို တစ်ပွဲလုံးအသာစီးနဲ့ ကစားခဲ့ပြီး ဘောလုံးပိုင်ဆိုင်မှု ၆၅ ရာခိုင်နှုန်း၊ ဂိုးပေါက်ကန်သွင်းမှု ၁၇ ကြိမ်နဲ့ ဂိုးပေါက်တည့်မှု ၉ ကြိမ်အထိ ရှိခဲ့ပါတယ်။
ဘက်တစ်အသင်းကတော့ ဘောလုံးပိုင်ဆိုင်မှု ၃၅ ရာခိုင်နှုန်း၊ ဂိုးပေါက်ကန်သွင်းမှု ၁၁ ကြိမ်နဲ့ ဂိုးပေါက်တည့်မှု ၂ ကြိမ်သာရှိခဲ့တာပါ။ဘာစီလိုနာအသင်းအတွက်ဂိုးတွေကို ဂျာအိုဖီးလစ်၊လီဝန်ဒေါစကီး၊ဖာရန်တောရက်စ်၊ရာဖင်ဟာနဲ့ ကန်ဆယ်လိုတို့က သွင်းယူခဲ့တာဖြစ်ပါတယ်။လီဝန်ဒေါစကီးကတော့ ဒီပွဲမှာ သွင်းဂိုးအပြင် ဂိုးဖန်တီးမှု ၂ ကြိမ်ပြုလုပ်သွားခဲ့တာပါ။
ဘာစီလိုနာအသင်းဟာ အခုနှစ်ရာသီ စပိန်လာလီဂါပွဲစဉ် ၅ ပွဲကစားအပြီးမှာ ရှုံးပွဲမရှိရမှတ် ၁၃ မှတ်နဲ့ ရီးရယ်လ်အသင်းမကစားခင် လာလီဂါအမှတ်ပေးဇယားကို ဦးဆောင်ထားပါတယ်။ဘာစီလိုနာအသင်းဟာ ကြားရက်မှာ ချန်ပီယံလိဂ်ပွဲစဉ်အဖြစ် ရိုင်ယန်အန့်ဝါတ်အသင်းနဲ့ ယှဉ်ပြိုင်ရမှာဖြစ်ပါတယ်။
