ရီးရယ်လ်အသင်းဟာ မနေ့က ကစားခဲ့တဲ့ လာလီဂါပွဲစဉ်မှာ ချန်ပီယံဆုအတွက် အနီးကပ်ဆုံးပြိုင်ဘက်ဖြစ်တဲ့ ဂျီရိုနာအသင်းကို ၄ ဂိုး- ဂိုးမရှိနဲ့ ဂိုးပြတ်အနိုင်ရရှိသွားခဲ့ပါတယ်။
ဒီပွဲမှာ ရီးရယ်လ်အသင်းအတွက်ဂိုးတွေကို ဘယ်လင်ဂမ်က ၂ ဂိုး၊ဗင်နီစီးယက်စ်နဲ့ ရိုဒရီဂိုတို့က ၁ ဂိုးစီသွင်းယူခဲ့တာပါ။ရီးရယ်လ်အသင်းဟာ ဒီပွဲမှာ ဗဟိုနောက်ခံလူတစ်ဦးမှ မပါဝင်ခဲ့ဘဲ ဂျီရိုနာအသင်းကို အကောင်းဆုံးကစားသွားခဲ့ပြီး ပေးဂိုးလည်း မပေးခဲ့ရကာ နိုင်ပွဲရယူနိုင်ခဲ့တာပါ။ရီးရယ်လ်အသင်းဟာ ဒီနိုင်ပွဲကြောင့် ဂျီရိုနာအသင်းကို ၅ မှတ်ဖြတ်နိုင်ခဲ့ပြီဖြစ်ပါတယ်။
ဂျီရိုနာအသင်းဟာ ဒီရာသီမှာ အကောင်းဆုံးရလဒ်တွေပိုင်ဆိုင်ခဲ့ပေမယ့် ရီးရယ်လ်အသင်းကိုတော့ လာလီဂါပြိုင်ပွဲမှာ နှစ်ကျော့စလုံးအရေးနိမ့်ခဲ့တာပါ။ဂျီရိုနာအသင်းဟာ ဒီပွဲအရေးနိမ့်ခဲ့ပေမယ့် တတိယနေရာက ဘာစီလိုနာအသင်းကို ရမှတ် ၆ မှတ်အသာရထားတာဖြစ်ပါတယ်။
ရီးရယ်လ်အသင်းဟာ လာမယ့်ကြားရက်ထဲမှာ ချန်ပီယံလိဂ် ၁၆ သင်းအဆင့်ပထမအကျော့ပွဲစဉ်အဖြစ် လိုက်ပ်ဇစ်အသင်းရဲ့အိမ်ကွင်းမှာ သွားရောက်ယှဉ်ပြိုင်ရမှာဖြစ်ပါတယ်။
